ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Энгель Фәттахов Бөтендөнья татар конгрессының Милли Шурасы составыннан чыгарылды
20 июльнең төп вакыйгалары - фото һәм сылтамалар
Рөстәм Миңнеханов Путинга Универсиаданың спорт мирасын куллану турында сөйләде
Самара өлкәсе мәдрәсәсе чыгарылыш сыйныф укучыларын укырга чакыра
Рөстәм Миңнеханов Путинннан стадионнарда сыра сатарга рөхсәт итүне сорады

Җәмгыять

Россиядә туберкулез белән авыручылар саны, дөньядагы белән чагыштырганда, тизрәк кими

25 май 2017, 17:39

Россиядә туберкулез белән авыручылар саны, дөньядагы белән чагыштырганда, тизрәк кими Россиядә туберкулездан үлүчеләр саны соңгы елларда 65 процентка кимегән.

(Казан, 25 май, “Татар-информ”). Россиядә туберкулездан үлүчеләр саны соңгы елларда 65 процентка кимегән. Бу хакта "Россия 24" телеканалы эфирында Россия сәламәтлек саклау министры Вероника Скворцова җиткерде, дип хәбәр итә "Российская газета".

Ул Россиядә туберкулезның әлегә тулаем җиңелмәвен билгеләп үткән. "Әмма авыру темплары кимү бездә дөнья күләмендә алганда югарырак”, - дип җиткергән ул.

Соңгы сигез елда Россиядә әлеге авыру белән чирләүчеләр 35 процентка азайган, үлүчеләр саны 65 процентка кимегән. Скворцова Россиянең туберкулез белән көрәш тәҗрибәсе башка илләргә кызыклы, дип белдергән. Табибларның чит ил коллегалары белән ноябрь аенда тәҗрибә уртаклашачагын әйткән. Мәскәүдә туберкулез белән көрәш буенча беренче глобаль конференция узачак, анда 194 илдән белгечләр җыелачак.

Вероника Скворцова Бөтендөнья сәламәтлек ассамблеясын җитәкли. Бу хакта 22 майда билгеле булган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10