ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Татар дөньясы

Ростов Сабан туенда балалар механик атларда узышачак

12 май 2017, 19:49

Ростов Сабан туенда балалар механик атларда узышачак Ростов өлкәсенең "Якташлар" үзәге оештырган Сабан туе 20 майда үтәчәк.

(Казан, 12 май, "Татар-информ"). Ростов өлкәсе татарлары Сабан туен 20 майда бәйрәм итәчәк. Сабан туе Ростов шәһәренең “Плевен” паркында узачак, дип хәбәр итә өлкәнең “Якташлар” Татар-башкорт мәдәни үзәге. Милли бәйрәм ел саен өлкә хакимияте теләктәшлегендә, "Якташлар" үзәге тарафыннан оештырыла.

Бу якта татарлар күптәннән яши. Татарларны берләштерү, халыкның мәдәниятен, традицияләрен саклау максатын тоткан “Якташлар” үзәге 2003 елдан эшләп килә. Аның Таганрог, Аксай, Волгодонск, Морозовск һәм башка районнарда вәкиллекләре дә бар. Үзәк карамагында 2009 елдан татар газета, китап һәм журналларын таратучы “Сабантуй” оешмасы, 2010 елда “Алтын” халык биюе ансамбле ачылган. 

2017 елның Сабан туенда капчык киеп, көянтә-чиләк күтәреп йөгерү, баганага менү, капчык белән сугышу кебек традицион милли уеннар, халык һөнәрчелеге ярминкәсе уздырылачак, бәйрәм сәхнәсендә җырлар-биюле программа тәкъдим ителәчәк. Көрәш ярышы да булачак. Ат чабышлары да көтелә – балалар механик атларда узышачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10