ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Казанда Җиңү парады репетициясе узды

6 май 2017, 10:02 , Фото: Рамиль Гали

Казанда Җиңү парады репетициясе узды Репетиция вакытында Меңьеллык мәйданда хәрәкәт туктатылып торды.

(Казан, 6 май, "Татар-информ", Александр Елисеев). Казанда Җиңү парады репетициясе узды. Быел парад Кремль диварлары янында узачак, шунлыктан репетиция вакытында Меңьеллык мәйданда хәрәкәт туктатылып торды.

9 май парадында 1800 кеше, 10 хәрби машина һәм 26 парад расчеты катнашачак. Колоннаны Җиңү Байрагын алып баручы төркем җитәкли. Йөрешне Бөек Ватан сугышы чорындагы формадан хәрбиләр дәвам итә һәм парад хәрби техника белән төгәлләнә.

Репетиция уңышлы үтте. Катнашучыларның, техниканың әзерлекле булуы күренде. Җиңү көненә кадәр тагын ике парад репетициясе планлаштырыла. Алар 7 һәм 8 май көннәрендә узачак.

Искәртеп үтик, Казанда Җиңү парады 9 майда 9 сәгать 45 минутта башлана.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10