ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Спорт

Апас районы Җиңү Кубогы чемпионы –“ИЛ-2” хоккей командасы

5 май 2017, 00:00

Апас районы Җиңү Кубогы чемпионы –“ИЛ-2” хоккей командасы 1-4 майда финал ярышлары узды.

(Апас, 5 май, "Татар-информ", "Йолдыз", Ришат Җамалиев). Апаста Бөек Җиңүнең 72 еллыгына Апас хоккей Лигасының плей-офф этабына 9 апрельдә старт бирелде. Бу көнне бозда районның “ИЛ-2” һәм “ЧЕРНЫЕ ЯСТРЕБЫ” командалары көч сынашты. 8:0 исәбе белән “ИЛ-2” командасы җиңде. Икенче уенда “РОДИНА” белән “АДМИРАЛ” командалары очрашты, исәп беренчесе файдасына 5:3 белән төгәлләнде, дип яза район газетасы.

-Плей-офф этабының икенче туры 16 апрелдә үтте. 1-4 майда финал ярышлары узды. Җиңү Кубогына ярышларда катнашучы командаларга исемнәр Бөек Ватан сугышы тарихына кагылышлы мизгелләр белән бәйле. Җанатарларны хәйран кызу һәм гадел, чын ир-егетләр хоккей уеннары карарга чакырабыз,- ди “Алтын алка” боз сарае директоры, районның быелгы чемпионы-“ИЛ-2” хоккей командасы капитаны Рамил Мөхетдинов.

Кышкы сезон тәмамланмый әле биредә. Уннан артык балалар һәм яшүсмерләр хоккей командалары күнекмәләре дәвам итә. Һәр ял көннәрендә бозда ирекле шуу сәгатләрендә дә “Алтын алка” йөзләгән кешене кабул итә. Аерым көннәрдә Апаска боз шуарга район балалар бакчаларында тәрбияләнүчеләр дә килә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10