ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
Мошенник “кармагына“ эләккән чирмешәнле 22 мең сум акчасыннан колак каккан
Саба һәм Теләче районнарыннан 15 егет Россия Кораллы Көчләренә хәрби хезмәткә китте
Чирмешән мәктәпләре укучылары 85 тонна макулатура, 7 тонна пластик савыт-саба җыйган
Яңа Чишмә районы хуҗалыкларында савым арта
Менделеевскида чыгарылыш балы датасы билгеле

Спорт

Татарстанның иң яхшы чаңгычыларын бүләкләргә 2 миллион сум акча тотылды

4 май 2017, 15:59 , Фото: Ильнар Тухбатов

Татарстанның иң яхшы чаңгычыларын бүләкләргә 2 миллион сум акча тотылды Республиканың Чаңгы узышлары һәм биатлон федерациясенең узган сезондагы бюджеты якынча 60 миллион сум тәшкил иткән.

(Казан, 4 май, “Татар-информ”, Фәрит Салихов). Казанда бүген Татарстанның чаңгы узышлары һәм биатлон федерациясенең узган сезонга нәтиҗәләр ясалганнан соң, республиканың иң яхшы күрсәткечләргә ирешкән чаңгычыларын бүләкләделәр. Акчалата бүләкләрне һәр яшь бүленеше буенча да өчәр спортчыга тапшырдылар. Федерация президенты Илшат Фәрдиев әйтүенчә, чаңгычыларны бүләкләү өчен 2 миллион 100 мең сум акча тотылган.

Гомумән алганда,  Татарстанның чаңгы узышлары һәм биатлон федерациясенең 2016-2017 елгы сезонга бюджеты 59 миллион 109 мең сум тәшкил иткән. Оешманың утырышта чыгыш ясаган баш хисапчысы Елена Титова сүзләренчә, әлеге акчаның 47 миллион сумнан артыгы - хәйриячелек кертемнәре.

“Моннан тыш Татарстанның Яшьләр эшләре һәм спорт министрлыгы тарафыннан республика җыелмасындагы чаңгычыларны әзерләү һәм ярышлар уздыру өчен 11 миллион 926 мең сум акча бүлеп бирелде. Федерациянең еллык бюджеты тулысынча эшкә тотылды”, – дип белдерде хисапчы.

Сүз уңаеннан, сезон нәтиҗәләре буенча ир-егетләр арасында Татарстанның иң яхшы чаңгычысы булып танылган Яшел Үзән спортчысы Андрей Ларьков 225 мең сум акчалата сертификат белән бүләкләнде. Хатын-кызлар арасында беренчелекне Чаллыдан Жанна Муравьева яулады.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10