ҺАВА ТОРЫШЫ +26 oC

Яңалыклар

барлык хәбәрләр Татарстан Россия
МӨҺим
Рөстәм Миңнеханов Хәким Биктиевны “Дуслык” ордены белән бүләкләде
Владимир Путин пенсия яшен арттыруны ошатмавын әйтте
Идел буе районы суды “Спурт Банк”ның элеккеге җитәкчесенә "өй аресты" җәзасын билгеләде
Шиһабетдин Мәрҗанинең фикерләренә тирән төшенү булырга тиеш – Рушан Аббясов
Мәскәү татар яшьләре "Йолдызлар яңгыры"на берләшә

Җәмгыять

Әлки районы мәдәният хезмәткәрләре ветераннар һәм инвалидларның өйләрендә концерт куйган

1 май 2017, 07:00

Әлки районы мәдәният хезмәткәрләре ветераннар һәм инвалидларның өйләрендә концерт куйган Югары Әлки Мәдәният йорты җитәкчесе Фәния Минһаҗева сугыш ветераннары истәлекләрен видеога да яздырырга җыена.

(Әлки, 1 май, “Татар-информ”, “Әлки хәбәрләре”). Татарстанның Әлки районы Югары Әлки авылы мәдәният хезмәткәрләре “Язгы игелек атнасы” оештырып, ветераннарның, инвалидларның өйләренә барып концерт күрсәтте, дип хәбәр итә "Әлки хәбәрләре" газетасы.

Мәдәният йорты җитәкчесе Фәния Минһаҗева атна дәвамында мәктәп укучылары белән бергә өлкән яшьтәге һәм инвалид авылдашларының  өйләрендә булып, хәлләрен белешкән, күчтәнәчләр тапшырган, концерт номерлары күрсәткән. Бөек Ватан сугышы һәм тыл ветераннары Хазим һәм Мөслимә Фәхретдиновлар, Рәйсә Сабирова, 95 яшьлек Галия Раупова яшьләрнең килүенә бик сөенгән, сугыш елларында күргәннәрен сөйләшеп, рәхәтләнеп аралашып утырганнар. Өлкән яшьтәге, саулыклары нык какшаган бу әби-бабайлар хәзер өйләреннән бик чыгып йөри дә алмыйлар. Шуңа алар өчен мондый очрашулар бик тансык. Тумыштан инвалид Марсель Хәйретдиновның әти-әнисе дә хәлләрен белешкәннәре өчен бик рәхмәтле булып калган, дип яза район газетасы.

Фәния Минһаҗева әби-бабайларны, ярдәмгә мохтажларны гел күз уңында тота. Җиңү бәйрәме алдыннан авылдагы сугыш ветераннарын һәм тыл хезмәтчәннәрен, аларның истәлекләрен видеога яздырып алырга да җыена ул.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10