ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Әгерҗедә йөзенче сабыйны теркәделәр

27 апрель 2017, 01:00

Әгерҗедә йөзенче сабыйны теркәделәр Быел ЗАГС хезмәте оешуга – йөз ел.

(Әгерҗе, 27 апрель, “Татар-информ“, “Әгерҗе хәбәрләре“).Быел ЗАГС хезмәте оешуга – йөз ел. Әгерҗе ЗАГС бүлегендә әлеге тантаналы вакыйга белән бәйле чаралар башланды инде. Бу атнада районда быел туган йөзенче сабыйны теркәделәр, дип яза район газетасы.

Есения – Әгерҗедә яшәүче Светлана–Андрей Гвоздевскийлар гаиләсендә туган беренче сабый. Ул 14 апрельдә дөньяга килә.

– Кызыбызның йөзенче сабый булып туганын белмәдек тә. Бу – безнең өчен истәлекле, күңелле һәм шатлыклы вакыйга, – ди яшь әни Светлана.

ЗАГС бүлеге җитәкчесе Лилия Госманова бу гаиләгә сабыйның туу турында таныклыгын, Президентыбыз һәм район башлыгы котлауларын һәм бүләкләр тапшырганда иң матур теләкләрен дә җиткерде.

– Бала тавышы яңгыраганда гына гаилә бөтен һәм бәхетле була. Сезнең сабыегыз да әти-әни канаты астында бәхетле булып үссен, сәламәт булсын. Өегездә бөтенлек, тынычлык, татулык хөкем сөрсен, – диде ул.

Тантанага беренче оныкларын котларга Сергей һәм Раида Шулеповлар да килгән иде.

– Бергә яшәвебезгә 30 ел тулган көннәрдә балаларыбыз безне онык бүләк итеп сөендерделәр. Бу – безнең өчен бик зур бүләк, – диделәр алар.

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10