ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Рәсми Татарстан, Мәдәният

Рөстәм Миңнеханов Габдулла Тукай исемендәге Дәүләт бүләкләрен тапшырды

26 апрель 2017, 09:50 , Фото: Рамиль Гали

Рөстәм Миңнеханов Габдулла Тукай исемендәге Дәүләт бүләкләрен тапшырды Быел дәүләт премиясе язучы Мәдинә Маликовага, дин эшлеклесе Харис Салиховка һәм сәнгать белгече, шагыйрә, рәссам Розалина Шаһиевага бирелде.

(Казан, 26 апрель, “Татар-информ”). Татарстан Республикасы Президенты 2017 елда Габдулла Тукай исемендәге Татарстан Республикасының Дәүләт премияләрен тапшырды. Чара М. Җәлил исемендәге Татар дәүләт опера һәм балет театрында уза.

Татарстан Республикасы Президенты Рөстәм Миңнеханов Указы белән расланган исемлектә бу шәхесләр бар: 

Маликова Мәдинә Габделхаковна – “Арыш тәме”китабы. Ул үз эченә роман, повесть, хатирәләрне ала. 2014 елда “Ихлас” нәшриятендә бастырылган.

Салихов Харис Салихович - “А.Пушкин, Г.Тукай иҗатында дөньяви һәм дини мотивлар һәм бүгенге көндә әхлакый тәрбия бирү проблемалары” (Казан, “Идел-Пресс” нәшрияты, 2008); “Дин һәм фән (дөньядагы дини һәм дөньяви мәдәният нигезләре)” (Казан, “Идел-Пресс” нәшрияты, 2012).

Шаһиева Розалина Гомәровна - Татарстанның милли мәдәни мирасы турындагы “Мәңгелек гөлчәчәкләре: татар һәм рус телендәге мәкаләләр җыелмасы” (Казан: “Заман” нәшрияты, 2015).

Быел Тукай бүләгенә 19 кеше тәкъдим ителгән иде. 

"Татар-информ" чараны онлайн трансляцияли. 
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10