ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Зәйдәге торак йортта газ шартлауның башлангыч сәбәбе билгеле булды
Рөстәм Миңнехановка Зәйдәге гадәттән тыш хәл турында соңгы мәгълүматлар хәбәр итеп торыла
Зәйдә газ шартлаган йорттан кешеләрне күчерделәр
22 июньнең төп вакыйгалары - фото һәм сылтамалар
Әтнә авыл хуҗалыгы техникумы быел 47 механик әзерләп чыгара

Татар дөньясы

Мәскәүнең "Бердәмлек" татар яшьләре клубы "Кич утыру"га чакыра

25 апрель 2017, 14:26

Мәскәүнең Кичке уеннарны оештыручылар сүзләренә караганда, бу – "Аулак өй"нең яңа форматы.

(Казан, 25 апрель, “Татар-информ”, Алмаз Шиһабетдинов). Мәскәүнең "Бердәмлек" яшьләр клубы 14 майда “Кич утыру"га чакыра. Яшьләр кичәсен оештыручыларның берсе Римма Гомәрова “Татар-информ” мәгълүмат агентлыгына булачак чараның программасы турында сөйләде.

“Без халык традицияләрендә сакланган аулак өйләрне яңа форматта уздырырга булдык. Монда җырлап-биеп утыру гына булмаячак. Кул эшләре остаханәсе эшләячәк, анда һәркем бүләкләр әзерләячәк. Бөтенесен дә алдан ачып бирәсебез килми, кичәнең темасы Сабан туена бәйле булачак”, – диде Римма Гомәрова.

Римма Гомәрова "Бедәмлек" яшьләр клубы уздыра торган аулак өйләрнең кич утырулардан аермасын, соңгысында мастер-класслар оештырылуда күрә: “Кич утыруларда без мастер-класслар үткәрәчәкбез. Элегрәк безнең чараларда талантлы яшьләргә ачык микрофон тәкъдим ителсә, хәзер без кунакларга мастер-класслар бирергә булдык. Һәркем үзенә күп кенә яңалык алыр дип өметләнәбез”, – диде ул.

“Кич утыру”лар оештырып, татар яшьләрен җыю, берләштерү мөмкинлеге бар. “Бу очрашулар татар яшьләрен берләштерер дип өметләнәм. Бигрәк тә, мондый чараларга татар студентлары килә. Алар бер-берсе белән туган телдә аралаша ала”, – дип искәртте Римма Гомәрова.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10