ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Татарстан Президенты ВТБ банкы рәисе урынбасары белән очрашты
Казанда Вәлиулла Якупов музее ачылды
“Сәләт”кә килгән балалар яшәү шартларының күпкә яхшыруына шатлана
Казанга Бөтендөнья татар конгрессының VII чираттан тыш съезды делегатлары килә
КФУда милли белем бирү системасына педагогик кадрлар əзерлəү буенча биш юнəлеш ачылды

Татар дөньясы

Татар мәктәпләре ябылуга каршы социаль роликка актерлар чакырыла

20 апрель 2017, 08:05

Татар мәктәпләре ябылуга каршы социаль роликка актерлар чакырыла Роликта 200 кеше "Туган тел" җырын җырлаячак.

(Казан, 20 апрель, “Татар-информ”, Алмаз Шиһабетдинов). 24 апрельдә Г.Камал театрының кече сәхнәсендә татар мәктәпләре ябылуга каршы социаль ролик төшерергә җыеналар. Язмада 200 кеше катнашыр дип көтелә. Бу хакта “Татар-информ” агентлыгына роликның режиссеры Туфан Имаметдинов хәбәр итте.

“Безгә татар мәктәпләре ябылуга яки руслашуга битараф булмаган кешеләр кирәк. Ике атна чамасы төшкән социаль роликка Казан, Яр Чаллы, Оренбург,Түбән Кама һәм башка шәһәрләр кушылды. Хәзер соңгы өзекне генә төшерәсе калды, моның өчен безгә ярдәм кирәк” – диде социаль роликның режиссеры Туфан Имаметдинов.

“Татар теле хәзерге вакытта укыту процессыннан алып атылды. Татар мәктәбе булып саналса да, бары тик татар теле һәм әдәбияты укытыла. Балалар мәктәптән русча фикер йөртергә өйрәнеп чыга. Башлангыч белемне бала әти-әнидән ала, шуңа гаиләләрдә дә туган телдә сөйләшергә кирәк”, – кирәк дип саный ул.

Социаль роликны 24 апрельдә 15:30 сәгатьтә төшерә башлыйлар. Үзләрен актер итеп сынап карарга теләүчеләрне шул вакытка Г.Камал театрына чакыралар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10