ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Бардадагы милләттәшләр үз тамырларына багышланган лекциягә чакырыла
Болгарда борынгы биналарны әйләндереп алырга тәкъдим ителде
Әстерханда этномәдәни лагерьга йөрүче балаларны татар мәдәнияте белән таныштырганнар
16 июльнең төп вакыйгалары - фото һәм сылтамалар
Роспотребнадзор Дәрвишләр бистәсендәге Комсомольское күлендә коенмаска киңәш итә

Татар дөньясы

Кешеләр үз туган телен белергә тиеш — Берләшкән Гарәп Әмирлекләреннән Ибраһим Шәңгәрәев

18 апрель 2017, 19:20 , Фото: Султан Исхаков

Кешеләр үз туган телен белергә тиеш — Берләшкән Гарәп Әмирлекләреннән Ибраһим Шәңгәрәев Мин туганнан алып әти-әнием минем белән бары татарча гына сөйләште, ди Татар теле һәм әдәбияты буенча V халыкара олимпиадада катнашучы.

(Казан, 18 апрель, “Татар-информ”, Лилия Локманова). Татар теле һәм әдәбияты буенча V халыкара олимпиадада Берләшкән Гарәп Әмирлекләреннән катнашучы Ибраһим Шәңгәрәев фикеренчә, һәр кеше үзенең туган телен белергә тиеш.

“Мин туганнан алып, әти-әнием минем белән бары татарча гына сөйләште. Безнең гаиләдә 11 кеше һәм без барыбыз да бары татарча гына аралашабыз. Һәр җәй саен без Казанга әби-бабай янына кайтабыз. Алар безгә көн саен татар телендә тапшырулар, мультфильмнар күрсәтә, төрле уеннар уйный. Шундый әби-бабай булуына бик шатмын. Мин Татарстанны бик яратам”, - ди Ибраһим Шәңгәрәев.

Ул хәзер 4 тел: татарча, русча, инглизчә, гарәпчә белә.

“Үземнең гаиләм булгач та, мин балаларымны татар теленә өйрәтәчәкмен. Чөнки кешеләр үз туган телен белергә тиеш”, - ди Берләшкән Гарәп Әмирлекләреннән килгән катнашучы.

Татар теле һәм әдәбияты буенча V халыкара олимпиада Казанда 18-21 апрель көннәрендә уздырыла. Чарада Татарстан районнарыннан, Россиянең 25 төбәгеннән һәм 13 чит илдән барлыгы 500 ләп кеше катнашачак. Олимпиаданың җиңүчеләрен 21 апрель көнне “Баскет-холл” спорт комплексында игълан итәчәкләр.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10