ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Казанга Япония принцессасы Хисако Такамадо килде
Польшада татар милли ашлары көннәре бара
“Метаморфозы”: Нурбәк Батулла һәм аның командасыннан хореографиягә яңача караш
Рөстәм Миңнеханов ТР Дәүләт Советы утырышында катнашачак
Татарстан Президенты Испания Корольлегенең Россиядәге Илчесе белән очрашачак

Җәмгыять, Хәвеф-хәтәр

Түбән Камада ат өстеннән егылып төшкән кызның үлеме буенча җинаять эше кузгатылган

17 апрель 2017, 13:52

Түбән Камада ат өстеннән егылып төшкән кызның үлеме буенча җинаять эше кузгатылган Фаҗиганең барлык нечкәлекләрен ачыклауга юнәлдерелгән тикшерү гамәлләре үткәрелә.

(Казан, 17 апрель, “Татар-информ”, Гөлнар Гарифуллина). 15 апрельдә Түбән Кама районында “Якорь” ял базасында ат өстендә йөргән 2005 елгы кыз баланың гомере өзелә. Әлеге факт буенча Россия Тикшерү комитетының Татарстан буенча идарәсе Түбән Кама шәһәре буенча тикшерү бүлегендә Россия Федерациясе Җинаять кодексының 238 нче маддәсе 2 нче бүлеге (куркынычсызлык таләпләренә җавап бирмәгән, саксызлык аркасында кеше үлеменә китергән хезмәтләр күрсәтү) буенча җинаять эше кузгатылган.

Якынча мәгълүматларга караганда, кыз дус кызы һәм аның әти-әниләре белән ял базасында булган. Инструктор балалар иярдә утыра алуын сорашып белгәч, аларга атны тапшырып, үзе кызларны күзәтүчесез калдырып киткән. Атларның берсе кинәт нык чаба башлый, кыз бала иярдән егылып төшә, ләкин аягы өзәңгегә эләгеп кала. Ат аны берничә йөз метр сөйрәп бара, аннан соң гына инструктор атны туктата. Алган баш җәрәхәтләреннән кыз табиблар килгәнче үк җан бирә.

Фаҗиганең барлык нечкәлекләрен ачыклауга юнәлдерелгән тикшерү гамәлләре үткәрелә. Җинаять эшен тикшерү дәвам итә, дип җиткерә Россия Тикшерү комитетының Татарстан буенча идарәсе җитәкчесенең өлкән ярдәмчесе.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10