ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Җәмгыять

Кукмараның 70тән артык егете солдат итеге киячәк

14 апрель 2017, 09:00

Хәрби комиссариатта чакыру комиссиясе эшләде.

(Кукмара, 14 апрель, "Татар-информ", "Хезмәт даны"). Язгы чакырылышта Кукмара районының 70тән артык егете армия хезмәтенә алыначак. Сәламәтлеге яхшы, хәрби хезмәт узарга яраклы, дип табылган егетләр Россиянең төрле хәрби частьларына җибәреләчәкләр, дип яза kukmor-rt.ru сайты.

Армиягә баручыларның күбесе урта һәм югары һөнәри белемле, "В", "С" категорияләре буенча автомәктәптә укып, транспорт йөртү таныклыгы алган. Беренче төркем 18 апрельдә юлга кузгалачак.

Район хәрби комиссариатында чакыру комиссиясе дә эшләде. Район башлыгы урынбасары Равия Каримуллина җитәкчелегендәге комиссия 30 булачак солдат белән аралашты. Егетләрнең кайда белем алулары, киләчәккә планнары, гаилә хәлләре, тәртип мәсьәләсе – берсе дә комиссия вәкилләренең игътибарыннан читтә калмады. Шунысы сөенечле: егетләрнең һәммәсе дә армиягә үз теләкләре белән баруларын әйттеләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10