ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
Мошенник “кармагына“ эләккән чирмешәнле 22 мең сум акчасыннан колак каккан
Саба һәм Теләче районнарыннан 15 егет Россия Кораллы Көчләренә хәрби хезмәткә китте
Чирмешән мәктәпләре укучылары 85 тонна макулатура, 7 тонна пластик савыт-саба җыйган
Яңа Чишмә районы хуҗалыкларында савым арта
Менделеевскида чыгарылыш балы датасы билгеле

Сәясәт

Президент Премьер-министр кандидатурасын парламентның XXVII утырышында тәкъдим итәчәк

13 апрель 2017, 11:01

Президент Премьер-министр кандидатурасын парламентның XXVII утырышында тәкъдим итәчәк Кандидатура бары бер генә булырга мөмкин.

(Казан, 13 апрель, "Татар-информ", Лилия Локманова). Татарстан Премьер-министры кандидатурасын Татарстан Президенты Рөстәм Миңнеханов бишенче чакырылыш дәүләт депутатларының XXVII утырышында тәкъдим итәчәк. Бу хакта бүген Татарстан парламенты Президиумы утырышында Дәүләт Советы Рәисе Фәрит Мөхәммәтшин хәбәр итте.

"Президент АКШтагы рәсми сәфәреннән кайтканнан соң, Премьер-министр кандидатурасы буенча мәсьәләне уртага салып сөйләшеп киңәшләшкәннән соң, кандидатураны Дәүләт Советы утырышының көн тәртибенә кертә алачакбыз. Әлегә Президент тарафыннан имзаланган рәсми документ юк, шуңа да без бу мәсьәләне көн тәртибенә кертә алмыйбыз", - диде Фәрит Мөхәммәтшин.

Мәгълүм булганча, закон буенча субъект җитәкчесе Премьер-министр кандидатурасын, моңа кадәр булган Премьер-министр эшеннән киткәннән соң, 1 ай эчендә тәкъдим итәргә тиеш. Кандидатура бары бер генә булырга мөмкин. Әгәр дә аны парламент вәкилләре хупламаса, Президент башка кешене яки кабат шул ук кандидатураны тәкъдим итәргә хокуклы.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10