ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Хәвеф-хәтәр

Санкт-Петербург метросындагы терактта үлүчеләр саны 14кә җиткән

12 апрель 2017, 12:55

Санкт-Петербург метросындагы терактта үлүчеләр саны 14кә җиткән Хастаханәдә тагын бер кешенең гомере өзелгән.

(Казан, 12 апрель, “Татар-информ”). Санкт-Петербургтагы метрода 3 апрельдә булган терактта үлүчеләр саны 14кә җиткән. Хастаханәдә авыр хәлдә булган зыян күрүченең гомере өзелгән. Бу хакта ТАССка шәһәрнең вице-губернаторы Анна Митянина хәбәр иткән. 

Әлеге мәгълүмат расланганчы ук, чәршәмбе көнне, шәһәрнең массакүләм мәгълүмат чараларында, хастаханәдә Санкт-Петербург метросы терактында зыян күрүченең үлеме турында хәбәр ителгән иде. Әлеге фактны Анна Митянина да раслады. "Әйе, бер зыян күрүче вафат булды, раслыйм", – дигән ул. 

Искәртеп үтик, Санкт-Петербургта 3 апрельдә шартлау аркасында метро вагонында 13 кеше һәм террорчы һәлак булды, 50дән артык кеше яраланды.

11 апрельгә Санкт-Петербург метросында зыян күрүчеләр итеп 102 кеше танылды. 51 кеше, шул исәптән бер бала, дәвалау учреждениеләрендә. Терактта һәлак булган 13 кеше җирләнгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10