ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Фән һәм мәгариф

Назарбаев казах алфавитын кириллицадан латин графикасына күчерү графигын эшләүне йөкләгән

12 апрель 2017, 11:59 , Фото: http://www.interfax.ru

Назарбаев казах алфавитын кириллицадан латин графикасына күчерү графигын эшләүне йөкләгән Казахстан Президенты сүзләренчә, баштарак латин графикасы белән беррәттән, кириллица да кулланылачак.

(Казан, 12 апрель, "Татар-информ"). Казахстан Президенты Нурсолтан Назарбаев Хөкүмәткә казах язуын кириллицадан латин графикасына күчерү графигын төзергә күрсәтмә биргән. Назарбаев Бу хакта “Бәйсез Казахстан” (“Независимый Казахстан”) газетасында басылып чыккан мәкаләсендә җиткергән, дип хәбәр итә “ Интерфакс”.

Назарбаев сүзләренчә, 2017 ел ахырына кадәр “галимнәр һәм җәмәгатьчелек белән киңәшләшкәннән соң, яңа казах алфавитын һәм графикасын латинга күчерү бердәм стандарты эшләнергә тиеш”.

2018 елдан белгечләрне яңа алфавитка өйрәтү башланырга тиеш. Быелдан башлап, урта мәктәп өчен тиешле укыту әсбапларын чыгара башлау планлаштырыла. Шуның белән бергә, Назарбаев баштагы вакытта латин графикасы белән бергә кириллица да кулланылачагын билгеләп үткән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10