ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Казан триатлоны-2018 якшәмбе көнне башкала үзәгендә узачак
Семипалатта татар сәнгать мәктәбе бинасын булдыруда Татарстан ярдәм итәчәк
17 июльнең төп вакыйгалары - фото һәм сылтамалар
Себер татар яшьләре фестивале узачак көннәр билгеле
Президент Югары урбанистика мәктәбе студентларының проектларын уңай бәяләде

Мәдәният

Казан Яшь тамашачы театры икенче "Алтын битлек"кә дәгъва итәргә Мәскәүгә юлга кузгала

12 апрель 2017, 15:58

Казан Яшь тамашачы театры икенче 14 апрельдә коллектив Мәскәү Яшь тамашачы театры сәхнәсендә "Из глубины… (Художник Винсент Ван Гог)" спектаклен күрсәтәчәк.

(Казан, 12 апрель, «Татар-информ», Рузилә Мөхәммәтова). Бүген Казан Яшь тамашачылар театры коллективы “Алтын битлек” театр фестивалендә катнашу өчен Мәскәүгә юлга кузгала. Бу хакта театр директоры Айгөл Горнышева хәбәр итте. 14 апрельдә коллектив Мәскәү Яшь тамашачы театры сәхнәсендә “Из глубины… (Художник Винсент Ван Гог)” спектаклен күрсәтәчәк. “Татар-информ” агентлыгы коллектив белән хәбәрләшеп торачак.

Спектакльне театрның баш режиссеры Туфан Имаметдинов куйган.

Спектакль дүрт номинация буенча “Алтын битлек” Милли театр премиясенә тәкъдим ителде. “Заманча бию/спектакль”, “Балетмейстер/хормейстер эше” (Анна Гарәфиева), “Музыкаль театрда композитор эше” (Эльмир Низамов), “Музыкаль театрда костюмнар буенча рәссам эше” (Лилия Имаметдинова).

“Алтын битлек” театр фестиваленең матбугат үзәгеннән хәбәр итүләренчә, бу спектакльне карарга теләүчеләр бик күп булу сәбәпле, аккредитация бик тиз ябылган. Димәк, Мәскәү журналистлары да Казан Яшь тамашачылар театры куелышыннан зур вакыйга көтә.

Мәгълүмат өчен: 1996 елда Казан Яшь тамашачы театры режиссер Б.Цейтлин куйган «Буря» спектакле (У.Шекспир) белән “Иң яхшы спектакль” номинациясендә “Алтын битлек” Милли театр премиясенә лаек булган иде инде.

“Алтын битлек” тетар премиясе җиңүчеләре 19 апрельдә игълан ителәчәк. Бүләкләү тантанасы К.С.Станиславский һәм Вл.И.Немирович-Данченко исемендәге музыкаль театр сәхнәсендә үтәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10