ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Мәдәният

Илфат Камалиев татарча Яңа ел кинофильмын төшерә

11 апрель 2017, 13:11

Илфат Камалиев татарча Яңа ел кинофильмын төшерә Фильм Татарстанның халык язучысы Фәнис Яруллинның “Бер күрешү - бер гомер” пьесасы буенча төшерелгән.

(Казан, 11 апрель, “Татар-информ”, Рузилә Мөхәммәтова). Татарстанның атказанган артисты, дүрт фильм режиссеры Илфат Камалиев татар кешесе Яңа ел алдыннан телевизор каршына утырып карый торган лирик комедия төшергән. “Әлегә ул монтажлана. Акча булмагач, озакка сузылды, - ди Илфат Камалиев. - “Мин аны “С легким паром или Ирония судьбы” кебегрәк булыр дип күз алдына китерәм. Шуның татарча варианты”.

Фильм Татарстанның халык язучысы Фәнис Яруллинның “Бер күрешү - бер гомер” пьесасы буенча төшерелгән. Сценариен Илфат үзе язган.

Мәгълүмат өчен. Фәнис Яруллинның “Бер күрешү - бер гомер” пьесасы буенча куелган спектакль туксанынчы елларда Кариев театрында уңышлы куелган, хәзер Тинчурин театрында бара.

Байлык, муллык турында хыялланып яшәгән, тормыш мәгънәсен шунда күргән Мәрьям белән тормышыннан канәгать Әхмәткә дуслары кунакка килеп төшә. Бу очрашу аларны үзгәртә, тормыш кызыклырак, мәгънәлерәккә әверелә.

“Фильм халыкчан булырга тиеш, - ди Илфат. – Анда үзем дә уйныйм, рольләрдә - безнең театр артистлары”.

Илфат акча булмаганлыктан, эшнең бик акрын барганлыгын әйтә.

Фоторәсемнәрдә - спектакльнең Тинчурин театрындагы куелышы
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10