ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
Казанда футбол мундиале кысаларында, Казан Кремлендә рухи музыка концерты була
“Балкыш” фестивале лауреатлары Филармония бакчасында хәйрия концерты уздыра
Татарстан баш приставы урынбасары итеп Әнвәр Закиров билгеләнде
Татар дәүләт филармониясе хәйрия концертларында бер миллион сумнан артык акча җыярга уйлый
Казанда дөнья чемпионатында 200гә якын халык фольклор коллективы чыгыш ясаячак

Мәдәният

Әлмәткә яшь шагыйрьләр җыелды

6 апрель 2017, 22:00

Әлмәткә яшь шагыйрьләр җыелды «Илһам» яшь язучылар бәйгесе яңа талантларны ачыклауда һәм зур әдәбиятка алып килүдә саллы чара.

(Әлмәт, 6 апрель, "Татар-информ", "Әлмәт таңнары").Әлмәт районы берничә ел рәттән татар телен, әдәбиятын, мәдәниятен саклау һәм үстерү, укучыларда әдәбиятка, сәнгатькә кызыксыну уяту максатыннан Мәгариф һәм фән министрлыгы, Язучылар берлеге, Казан федераль университеты татар телендә иҗат итүче мәктәп укучылары арасында «Илһам» Бөтенроссия яшь язучылар бәйгесен уздыра. Әлмәт сайлап алу турын ел да татар гимназиясе үзендә кабул итеп, әлеге бәйгене шәһәр күләмендә зур шигърият бәйрәменә дә әверелдерә әле, дип яза район басмасы.

– Киләчәк буынны әзерлибез дип сөйлибез икән, димәк бу өлкәдә нәтиҗәле эшләр дә булырга тиеш. «Илһам» яшь язучылар бәйгесе яңа талантларны ачыклауда һәм зур әдәбиятка алып килүдә саллы чара ул. Бүген биредә күңелләре белән безгә якын балалар җыелган. Аларның һәммәсе дә киләчәкләрен язучылык белән бәйләмәсә дә, араларыннан прозаиклар, драматурглар, шагыйрьләр чыгар әле, - диде драматург, Татарстан Язучылар берлеге рәисе Данил Салихов.

Бәйге берничә номинациядә уза: яшь шагыйрь, яшь прозаик, яшь драматург һәм яшь журналист. Бәйге шартлары буенча, укучылар әсәрләре арасыннан иң яхшылары сайлап алынып, аларның авторларына йомгаклау кичәсендә кызыксындыру бүләге тапшырыла. 1 нче турда сайлап алынган әсәрләрдән ел да әдәби альманах бастырыла, алар Мәгариф һәм фән министрлыгы, Татарстан язучылар берлеге, Казан федераль университеты сайтына да урнаштырыла. Быелгы финалистларга килгәндә, аларны бәйгенең йомгаклау кичәсендә барлык сайлап алу турлары да тәмамланганнан соң хәбәр итәчәкләр. Яшь язучыларны бер аланга туплаган зур бәйрәм чарасы исә апрель азагында Казанда булыр дип көтелә, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10