ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Фән һәм мәгариф

Азнакай укучылары экстремизмга каршы торырга өйрәнәләр

4 апрель 2017, 22:00

Азнакай укучылары экстремизмга каршы торырга өйрәнәләр
Азнакай шәһәренең Мәдәни үзәгендә кейс форматында “Тынычлык территориясе” республикакүләм түгәрәк өстәле узды.

 (Азнакай, 4 апрель, “Татар-информ”, “Маяк”, Резеда Шәрипова). Азнакай шәһәренең Мәдәни үзәгендә кейс форматында “Тынычлык территориясе” республикакүләм түгәрәк өстәле узды. Азнакай укучылары экстремизмга каршы торырга өйрәнәләр, дип яза район басмасы.

Район башкарма комитетының эшләр белән идарәчесе, терроризмга каршы комиссия секретаре Руслан Дәүләтшин, шәһәр прокурорының өлкән ярдәмчесе Дилүс Җамалетдинов, эчке эшләр бүлегенең җинаятьчеләрне эзләү бүлекчәсе начальнигы, полиция майоры Марат Дәүләтшин, Татарстан Республикасының Иҗади яшьләр академиясе хезмәткәре Дмитрий Коваленко укучыларга экстермизм һәм терроризмның төрләре, республикада һәм районыбызда теркәлгән шундый оешмалар, аларга каршы башкарылган эшләр, мондый җинаятьләр өчен законда нинди җәзалар каралганлыгы белән таныштырдылар.

– Кеше үзе дә сизми әлеге оешмаларга тартыла. Шуңа күрә нинди генә сорау туса да, әти-әниләрегезгә, мәчетләрдә һәм чиркәүләрдә традицион диндәге руханиларга мөрәҗәгать итегез, – дип киңәш бирде алар яшь буынга.

Түгәрәк өстәлдә катнашучылар 5 командага бүленеп, “Куркынычсыз интернет”, “Терроризмга – юк!”, “Кем, нигә һәм ничек террорист була?”, “Терракт вакытында халык өере эчендә паника купканда үзеңне ничек тотарга?”, “Наркотрафикка каршы тору” дигән кейслар буенча биремнәр башкардылар, аларны якладылар. Барлык командалар да темаларны тирәнтен ачып салдылар.

Хокук саклау органнары вәкилләренә сораулар һәм тәкъдимнәр дә яңгырады, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10