ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Болгар ислам академиясе абитуриентлар җыя
Хрущев белән Брежневка хезмәт күрсәткән шагыйрь Әхмәт Саттарны Мәскәүдә искә алдылар
Р.Миңнеханов: Нефтьчеләр ярдәме белән Татарстан икътисады уңай үсеш темпын саклый
Хаҗга җыенучы мөселманнарны Согуд Гарәбстанындагы инфекцияләр хакында кисәтәләр
Татарстан Мөфтие дуңгыз итендәге "хәләл" этикеткасына бәйле низаг турында фикерен әйтте

Фән һәм мәгариф

Кукмара районының Нырья авылында яңа балалар бакчасы төзелә

31 март 2017, 07:00

Кукмара районының Нырья авылында яңа балалар бакчасы төзелә Төзелешнең гомуми суммасы 30 миллион сумны тәшкил итә.

(Кукмара, 31 март, "Татар-информ", "Хезмәт даны"). Кукмара районының Нырья авылында яңа балалар бакчасы төзелә. Төзелеш мәйданчыгында өч бригада хезмәт куя. Биредә кыш дәвамында эш барды. Төзелешнең 70 проценты башкарылган инде, дип яза kukmor-rt.ru сайты.

- Февраль ахырында түбәне ябарга керешкән идек, ике атнадан инде төгәлләнер, дип планлаштырабыз. Төзелеш мәйданында өч бригада - 25 кеше хезмәт куя. Эшчеләребез түбә ябу белән беррәттән, кәрнизләрне "җыя"лар, чорманы җылыталар, ут чыбыклары сузу дәвам итә, идәннәргә бетон җәелә, - дип сөйләде участокның прорабы, Уразай авылы егете Заһир Ризагетдинов. - Штукатурчы кызларыбыз да булдыралар, һәр эш сыйфатлы итеп башкарыла. Кыш буе төзелеш материалларына бер дә өзеклек булмады. Суык көннәрдә дә эшебез барды. Чөнки оешманың тимер-бетон эшләнмәләр цехыннан тиешле таләпләргә туры килгән, кышкы көндә дә измәне катырмый торган махсус кушылма салынган бетон измәсе килеп торды.

Август ахыры-сентябрь башларында тапшырылачак яңа бакча 50 балага гына түгел, аларның әти-әнисенә, әби-бабаена да сөенеч алып киләчәк.

670 квадрат метр мәйданны биләүче, 50 урынга исәпләнелгән балалар бакчасы - соңгы елларда "Строй-Гарант" оешмасы төзегән бакчаларның дүртенчесе, Зур Сәрдек, Аш-Буҗи, Туембаш авылларындагы биналарның "игезәге". Төзелешнең гомуми суммасы 30 миллион сумны тәшкил итә.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10