ҺАВА ТОРЫШЫ +30 oC

Яңалыклар

барлык хәбәрләр Татарстан Россия
МӨҺим
Чираттагы әдәби марафон проекты башланып китте
“Татар-информ”да VI мөселман яшьләре форумы турында сөйләшәчәкләр
Казанда «Зөләйха күзләрен ача» романы буенча фильмны көзен төшерә башлыйлар
Россиядә ярты айда илле мең чамасы электрон ветеринария сертификаты тутырылган
Синоптиклар Татарстанда яшенле яңгыр турында кисәтә

Татар дөньясы

Камил Әбләзов: Безнең тарихны Кытай тарихчылары күбрәк өйрәнә

26 март 2017, 14:13

Камил Әбләзов: Безнең тарихны Кытай тарихчылары күбрәк өйрәнә Татарларның Алтын урда чорын тирәнтенрәк өйрәнергә кирәк, дигән фикердә Бөтенроссия төбәк тарихын өйрәнүчеләр җәмгыяте советы рәисе.

(Казан, 25 март, "Татар-информ", Лилия Локманова). Безнең тарихны Кытай тарихчылары күбрәк өйрәнә. Бөтенроссия төбәк тарихын өйрәнүчеләр җәмгыяте советы рәисе Камил Әбләзов шундый фикердә. Кичә I Бөтенроссия татар төбәк тарихын өйрәнүчеләр корылтае пленар утырышында ул шулай дип белдерде.

"Безнең тамырларыбыз барып тоташкан Урта Азия татарлары хакында тарих хаман да фәнни институтлар, Россия һәм Татарстан галимнәре тарафыннан өйрәнелмәгән. Бәлки моңа вакыт та җитмидер. Бу битәрләү түгел, ә үкенеч. Татарларның Алтын Урданы төзүче буларак тарихын өйрәнү бик зур эш һәм без аны өйрәнергә тиеш", - диде галим.

Аның фикеренчә, Болгар музей-тыюлыгын торгызу белән мавыгып, без Болгар чорының татарлар тарихында бик кечкенә өлеш икәнен онытабыз. "Безгә Алтын Урда тарихын тирәнрәк өйрәнү кирәк. Чөнки без дәүләт нигезен тәшкил иткән милләт булганбыз. Алтын Урдадан соң барлыкка килгән дәүләтләрне дә өйрәнергә кирәк. Чөнки алар Россия империясе һәм хәзерге Россияне төзүдә зур өлеш кертә", - дип саный Камил Әбләзов.

Әгәр дә без тарихыбызны өйрәнсәк, белсәк, яшьләребезгә киләчәктә яшәү җиңелрәк булачак, ди ул.

"Авыларыбызның тарихын өйрәнү безнең көчебездән килә. Без халкыбызның тарихи яшәешен күзалларга ярдәм итәбез. Тарихыбыз, телебез, яши торган җиребез - безне этнос буларак күрсәтә торган нигез", - дигән фикердә галим.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10