ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Җәмгыять

Чирмешән районының Шешминка авылында колхоз ветераннарына бушлай ипи бирәләр

17 март 2017, 01:00

Бүген Шешминкада - 38, Андреевкада 8 кеше әлеге мөмкинлектән файдалана.

(Чирмешән, 17 март, “Татар-информ“, “Безнең Чирмешән“, Гөлсирә Шәрифуллина). Чирмешән районының Шешминка авыл җирлегендә ике елга якын өлкән яшьтәге, гомерләре буе колхозда эшләп лаеклы ялга чыгучыларга бушлай ипи алып кайтып бирәләр, дип яза район басмасы.

-Хуҗалык җитәкчесе Васыйл Әхмәтҗанов шундый тәкъдим белән чыккач, без моны хупладык. Исемлекне төзеп бирдек, - ди Шешминка авыл җирлеге башлыгы Юрий Зубов.

- Бүген Шешминкада - 38, Андреевкада 8 кеше әлеге мөмкинлектән файдалана. Ипине кибеткә китерәләр, пенсионерлар шуннан килеп алалар. “Андреевка” җәмгыяте бурычларын каплап бара.

Озак еллар «Прожектор» колхозында сыер савучы булып эшләгән Клавдия Коченкова да атнага ике тапкыр кибеттән бушлай ипи ала.

-Безне шулай кайгыртуына, игътибар күрсәтүенә җәмгыять җитәкчесенә бик зур рәхмәт, - ди Клавдия Константиновна. - Өлкәннәр көнендә дә онытмыйлар. Ел саен азык – төлек пакетларын өйгә китереп тапшыралар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10