ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Спорт

Бертуган Чаллы егетләре Бөтенроссия ярышларда җиңү казанды

16 март 2017, 07:00

Бертуган Чаллы егетләре Бөтенроссия ярышларда җиңү казанды Чарада егермедән артык төбәктән спортчылар катнашты.

(Чаллы, 16 март, "Татар-информ", "Шәһри Чаллы", Альбина Зарипова). Яңа Чабаксар шәһәрендә узган каратэ буенча Бөтенроссия ярышларында Яр Чаллы спортчылары беренче һәм икенче урыннар яуладылар, ңип яза "Шәһри Чаллы" газетасы.

 

Чарада егермедән артык төбәктән спортчылар катнашты. Ярышлар төрле яшь төркемнәре буенча алып барылды. Татарстан Республикасы исемен Яр Чаллы спортчылары Галәэтдин һәм Камалэтдин Усмановлар якладылар. Алар үзләренең яшь төркемнәре буенча уңышлы чыгышлар ясап, беренче һәм икенче урыннар яуладылар. Егетләр Геннадий Бубнов тренеры җитәкчелегендә әзерләнәләр.

“Галәэтдин каратэ буенча Татарстандагы иң көчле спортчыларның берсе санала. Шуңа да без ярышларга барыр алдыннан бары тик җиңү максатын куйдык. Ул лаеклы дәрәжәдә чыгыш ясады. Камалэтдин хәзерге вакытта – әзерлек формасында. Шуңа да бу ярышларда катнашу аның өчен психологик этап булды”, – ди ул.

Егетләр Бөтенроссия ярышларына ике ай дәвамында әзерләнгән. Аена ким дигәндә, бер-ике турнирда катнашу алар өчен гадәти хәл. Якын арада Усмановларны тагын берничә ярыш көтә. Анападагы Бөтенроссия Сугыш сәнгате уеннары, Россия беренчелегенә һәм чемпионатына параллель рәвештә әзерләнә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10