ҺАВА ТОРЫШЫ +27 oC

Яңалыклар

барлык хәбәрләр Татарстан Россия
МӨҺим
Балтач районында өч авыл халкы утсыз калган
Казанда Н.Назарбаев урамындагы юл транспорт хәрәкәте өчен ябык
Татарстанда ике җиңел машина бәрелешеп, бер егетнең башы имгәнгән
“Ак калфак” оешмасы Арчадан чыккан язучылар сурәтләгән йолалар турында фикер алышачак
Татарстанда "Шәле-Баулы" автомагистрале төзелеше бара

Мәдәният

Арчалар Казанда концерт куя

15 март 2017, 17:17

6, 7 апрельдә Татарстанның Арча районы якташлыгы Казанда «Арчалар — ут күршеләр кунак җыя» дип исемләнгән театральләштерелгән концерт-тамаша оештыра.

(Казан, 15 март, «Татар-информ», Мөршидә Кыямова) Казанда Арча районы якташлар җәмгыяте 6,7 апрель зур концерт-тамаша үткәрә, дип хәбәр итә «Татар-информ» агентлыгына  К. Тинчурин театрының матбугат хезмәте.

К.Тинчурин исемендәге  драма һәм комедия театры сәхнәсендә 18.30да башланачак әлеге чарада  Арча төбәгендә туып үскән сәнгать осталары, Арча районы үзешчәннәре белән беррәттән, республиканың башка якташлык вәкилләре дә катнаша. Концерт-тамашада Айдар Фәйзрахманов, Габделфәт Сафин, Рөстәм Закиров һәм Люция Мусина, Рәсим Низамов, Айгөл Бариева, Алсу Әбелханова, Илназ Баһ, Гөлзадә Сафиуллина, Фердинант Фәтхи, Искәндәр Биктаһиров, Венера Шәмиева, Зөлфия Минһаҗева, Нурзадә, «Кызлы йорт» һәм башкалар чыгыш ясаячак.

Казандагы традицион очрашуның мәртәбәле кунаклары сыйфатында ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов, ТР урман хуҗалыгы министры Алмас Нәзиров, шулай ук Арча районы хакимияте башлыгы Илшат Нуриев, “Таттелеком” оешмасы генераль директоры Лотфулла Шәфигуллин һ.б. рәсми затлар чакырылган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10