ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Спорт

Тәтештә стендка ату буенча Татарстан Кубогының беренче этабы узды

12 март 2017, 20:19

Тәтештә стендка ату буенча Татарстан Кубогының беренче этабы узды Барлыгы дүрт яшь категориясе буенча 16 комплект бүләк уйнатылды.

(Казан, 12 март, «Татар-информ»). Бу ялларда Тәтеш атарга өйрәнү урынында стендка ату буенча Татарстан Кубогының берене этабы узды. Бу хакта Татарстан Республикасының Пуля һәм стендка ату федерациясе матбугат хезмәткәре Ольга Камардина хәбәр итте.

Зурлар арасында трапта Артем Копыстынский һәм Лилия Вәлиева җиңүче дип табылды. Скит буенча җиңүгә Регина Шакирова һәм Камил Миңгәрәев лаек булды.

Үсмерләр арасында трапта Георгий Сурков һәм Кәримә Латыпова, урта яшьләрдә – Алинә Әхәтова һәм Никита Чекалин, кече яшьтәгеләр арасында – Милена Видманова һәм Сергей Пугачев җиңде. Скит төрендә исә иң яхшы нәтиҗәгә үсмерләрдә – Кирилл Лявин һәм Екатерина Комарова, урта яшьләрдә – Софья Корчагина һәм Кирилл Костюнин, кече яшьтәгеләрдә – Елизавета Краснова белән Антон Андрианов иреште.

Татарстан җыелмасын туплауны да максат итеп куйган турнирда 150дән артык спортчы катнашты. Барлыгы дүрт яшь категориясе буенча 16 комплект бүләк уйнатылды. Татарстанның иң көчле атучылары апрельдә стендка ату буенча Краснодарда узачак Россия беренчелегендә катнашачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10