ҺАВА ТОРЫШЫ +30 oC

Яңалыклар

барлык хәбәрләр Татарстан Россия
МӨҺим
Казанда «Зөләйха күзләрен ача» романы буенча фильмны көзен төшерә башлыйлар
Россиядә ярты айда илле мең чамасы электрон ветеринария сертификаты тутырылган
Синоптиклар Татарстанда яшенле яңгыр турында кисәтә
Р.Миңнеханов "Шәһәр моһите" проектының мөһим иҗтимагый-сәяси бурычларны хәл итүен әйтте
Татарстан һәм Башкортстан дини оешмалары хезмәттәшлеген ныгыту мәсьәләсе каралды

Спорт

Начар чыгыш ясавыбызның сәбәпләрен беләм, төзәтеп булачак – Хавьер Грасия

10 март 2017, 18:44

Начар чыгыш ясавыбызның сәбәпләрен беләм, төзәтеп булачак – Хавьер Грасия Махачкаладагы уенда безгә мобильлек җитмәде, ди тренер.

(Казан, 10 март, «Татар-информ», Фәрит Салихов). Казанның «Рубин» футболчылары иртәгә Россия чемпионатының 19 нчы турында Үзәк стадионда «Оренбург» командасын кабул итә. Шул уңайдан уздырылган матбугат конференциясендә «Рубин»ның баш тренеры Хавьер Грасия каләм әһелләрен кызыксындырган сорауларга җавап бирде.

«Сезон дәвамында төрле көндәш белән төрле уен күрсәтергә туры килә. Үткән турда Махачкалада «Анжи» командасына каршы уенда нәтиҗәгә ирешсәк тә (Казан командасы 1:0 исәбе белән отты – ФС.), «Рубин»ның уеныннан канәгать калмадым. Комбинацияләр тудыру, һөҗүм оештыру ягыннан көчсез идек. Әмма җыеннар вакытында бу планда яхшы эшләгән идек. Шуңа да комбинацияле уенны тиешле дәрәҗәдә оештыра алуыбызга ышанам. «Анжи» һәм «Оренбург» – ике төрле команда, таләпләр дә төрле булачак. Әмма көндәшкә карамыйча, уңай нәтиҗәгә ирешергә кирәк», – диде Хавьер Грасия.

Испан тренерыннан үткән турдагы начар уенның сәбәпләрен ачыклау-ачыкламавы хакында да соралды. «Рубин» тәнәфес вакытында Испаниядә яхшы шартларда җыеннар уздырды, Махачкалада да кыр начар хәлдә түгел иде. Шуңа да Казан тамашачылары «Рубин»нан яхшы уен көтте, диелде.

«Әйе, начар уенның сәбәпләрен беләм. Берничәсен әйтә дә алам. Мисал өчен, безгә мобильлек җитмәде. Безнең уенчы туп белән булганда, партнерлары тиешенчә ачылмады, шуның аркасында туплы уенчы адресат таба алмады. Кыска паслар ярдәмендә сактан чыга һәм һөҗүмгә күчә алмадык. Сакта, кыр уртасында һәм һөҗүмдәге уенчыларга да мобильлек җитмәде. Кыр, дөрестән дә, комбинацияле уен күрсәтергә яраклы иде. «Анжи» – яхшы оешкан команда, әмма без яхшырак чыгыш ясарга тиеш идек. Ышанам, бу кимчелекне төзәтә алачакбыз. «Оренбург»ка каршы уенда барлык көчне куеп, өч очко алу өчен тырышачакбыз», – диде Казан командасының баш тренеры.

«Рубин»-«Оренбург» матчы 16:30 сәгатьтә башлана.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10