ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Җәмгыять

Кукмарада ялгызларга насыйп ярларын табарга ярдәм итәләр

10 март 2017, 03:00

"Ике йөрәк бергә типсен" дигән кичәдә Саба районы кызлары да катнашты.

(Кукмара, 10 март, "Татар-информ", "Хезмәт даны"). Кукмараның "Тылсым" халыкка социаль хезмәт күрсәтү үзәгендә "Ике йөрәк бергә типсен" дигән кичә үткәрелде, дип хәбәр итә kukmor-rt.ru сайты.

Кукмара районы Мәдәният йортында эшләп килүче "Ике йөрәк" танышу клубы һәм район ЗАГС идарәсе оештырган бу чарада 30 яшьтән 45 яшькә кадәрге Кукмара ир-егетләре, Саба районыннан һәм Кукмарадан килгән кызлар катнашты. Кичәне Туеш бистәсе имам-хатыйбы Айрат хәзрәт эчтәлекле вәгазь белән башлап җибәрде. Кызыклы конкурслар, уеннар, концерт номерлары үзара аралашуны җанландырырга мөмкинлек бирде. Әңгәмәләр чәй табыны артында дәвам итте. Кунак егет һәм кызларга күчтәнәч итеп бер-берсенең телефон номерлары бирелде.

-Ялгызларга насыйп ярларын табарга ярдәм итү йөзеннән мондый очрашуларны алга таба да үткәрү күздә тотыла, - ди "Ике йөрәк" танышу клубы җитәкчесе Фәрзия Салләмова.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10