ҺАВА ТОРЫШЫ +11 oC

Яңалыклар

барлык хәбәрләр Татарстан Россия
МӨҺим
Чирмешән мәктәпләре укучылары 85 тонна макулатура, 7 тонна пластик савыт-саба җыйган
Яңа Чишмә районы хуҗалыкларында савым арта
Менделеевскида чыгарылыш балы датасы билгеле
Лениногорскида “Трактор-тагылма” операциясе башланды
17 июньнең төп вакыйгалары - фото һәм сылтамалар

Сәясәт

Россия милләте турындагы канунның исемен җәмгыять кабул итми - "Российская газета"

7 март 2017, 13:17

Закон проекты "Дәүләт милли сәясәте нигезләре турында” дигән исем алырга мөмкин. Бу хакта "Российская газета" хәбәр итә.

(Казан, 7 март, «Татар-информ»). "Россия милләте бердәмлеге һәм этникара багланышлар идарәсе турындагы" закон проектының исеме үзгәртеләчәк, дип хәбәр иткән документ концепциясен әзерләүче эшче төркем җитәкчесе, Россия Фәннәр академиясе академигы Валерий Тишков. Закон проектының "Дәүләт милли сәясәте нигезләре турында” дигән исем алуы ихтимал. Бу хакта "Российская газета" хәбәр итә.

Тишковның: "Шулай тынычрак. Җәмгыятьнең бөтен милләтләрне берләштерә торган бердәм милләт төшенчәсенә әзер түгел икәнлеге ачыкланды”, – дигән сүзләрен китергән "Коммерсант".

Закон проектының яңа концепциясен апрельдә тәкъдим итәчәкләр. Аерым алганда, системада этноконфессиональ багланышлар мониторингы, федераль, төбәк һәм җирле хакимият арасындагы вәкаләтләрне билгеләү механизмы, кече һәм төп милләтләргә карата дәүләт сәясәте язылачак.

Исегезгә төшерәбез, Россия Президенты Владимир Путин 2016 елның октябрендә узган Милләтара багланышлар буенча совет утырышында Россия милләте турында закон булдыру идеясен һәм Россия милләте көнен үткәрүне хуплаган иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10