ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Хәвеф-хәтәр

Түбән Камада 6 яшьлек кыз бала 9 каттан егылып төшеп, могҗиза белән генә исән калган

4 март 2017, 15:31

Түбән Камада 6 яшьлек кыз бала 9 каттан егылып төшеп, могҗиза белән генә исән калган 20 февраль көнне сабыйны хастаханәдән чыгарганнар.

(Казан, 4 март, «Татар-информ»). Түбән Камада уникаль вакыйга булган. 6 яшьлек кыз бала 9 кат тәрәзәсеннән егылып төшеп, могҗиза белән генә исән калган.

Түбән Каманың Сәламәтлек саклау идарәсендә “Татар-информ” мәгълүмат агентлыгы коррепондентына бу вакыйга 16 февраль көнне булуын хәбәр иттеләр. “Сәгать 19.45 баланы әти-әнисе хастаханәгә алып килгән. Медиклар кичекмәстән аны тикшергән. Баланы травматолог, хирург, балалар табибы, реаниматолог караган. Шулай ук аңа рентген, УЗИ ясалган һәм барлык кирәкле анализалар алынган. Имгәнүләр булмаган, анализ нәтиҗәләре дә яхшы”, - дип аңлаткан идарә тармагы вәкиле.

Баланы күзәтү астына алганнар һәм хастаханәгә салганнар. 20 февраль көнне кыз баланы чыгарганнар.

Вакыйга яхшы тәмамлану сәбәпле, ул фаш ителмәгән.

Медикалар ата-аналарны балаларына игътибарлы булырга, аларны өйдә ялгыз калдырмаска чакыра.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10