ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Мәдәният

Сәнгать әһелләре Россия һәм Төркия элемтәләрен ныгытуда теләктәшлек күрсәтә

3 март 2017, 20:17 , Фото: http://www.turkeyforfriends.com/

Сәнгать әһелләре Россия һәм Төркия элемтәләрен ныгытуда теләктәшлек күрсәтә  Спиваков фонды Россия һәм Төркия хезмәттәшлеген ныгыту проектын тормышка ашыра.

(Казан, 3 март, «Татар-информ»). Спиваков фонды Россия һәм Төркия хезмәттәшлеген ныгыту буенча мәдәният өлкәсендә яңа проектларны тормышка ашыра.

Төркиядәге Спиваков фонды вәкиле , «Анадолу» университеты карамагындагы дәүләт консерваториясендә укытучысы Әминә Айгистова илләр арасындагы киеренкелекне бетерү эшендә сәнгать әһелләренең өлешен билгеләп үтә.

«Без музыка җиһазына кагылган кешенең кулына бервакытта да корал алмаячагына ышанычтан чыгып фикер йөртәбез», - дип белдерә Айгистова.

Фонд вәкиле сүзләренчә, ул үзе 12 ел дәвамында Россия һәм Төркия яшьләре арасында дуслыкны ныгыту белән шөгыльләнә.

«Иң ныклы дуслык – ул балачакта башланганы. Россия – Төркия багланышлары кискен чорны үтә алды. Безнең илләр халыклары арасындагы дуслык каршылыкларны җайларга ярдәм итте. Калган аңлашылмаучанлыкларны без сәнгать белән тулыландырып бетерергә телибез», - дип билгеләп үтә Айгистова.

Моннан тыш ул Анталья шәһәренең россиялеләр өчен мөһим булуын билгеләп үтә.

«Без Антальяда фестиваль үткәрергә ниятлибез. Беренче чиратта халыкара балет фестивале оештырырга уйлыйбыз, анда россиялеләрдән булган кебек төрек сәнгать вәкилләре дә катнашачак», - дип белдерә Айгистова.

Аның сүзләренчә, Антальяда Марина Сокорина җитәкләгән Дуслык һәм мәдәният ассоциациясе әлеге шәһәргә килгән ватандашларына зур ярдәм күрсәтә. Шуның белән бергә төрек телен өйрәнүгә дә зур әһәмият бирелә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10