ҺАВА ТОРЫШЫ +9 oC

Яңалыклар

барлык хәбәрләр Татарстан Россия
×

Хәвеф-хәтәр

Апас районында шәхси йортта янгын чыгып, өлкән яшьтәге ир-ат вафат булган

3 март 2017, 12:18 , Фото: ГУ МЧС России по РТ

Апас районында шәхси йортта янгын чыгып, өлкән яшьтәге ир-ат вафат булган Каты авыру сәбәпле ир-ат урын өстендә генә ятып торган.

(Казан, 3 март, «Татар-информ»). Апас районында шәхси йортта янгын чыгу аркасында ир-ат вафат булган. «Татар-информ» агентлыгына бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Фаҗига бер көн элек 6:56 сәгатьтә Каратун авылындагы Жданов урамындагы шәхси йортта килеп чыккан. Янгын чыгу турында хәбәр "112" номеры коткару хезмәтенә килеп ирешкән. Урта Балтайдан килгән янгыннан саклау хезмәте хезмәткәрләрен җирле халык каршы алган. Алар янган йортта ир-ат булырга мөмкин булуын хәбәр иткән.

Янгынны 7:12 сәгатьтә сүндергәннәр. Җимерекләрне аралаган вакытта аш бүлмәсендә идәндә 63 яшьлек ир-атның гәүдәсе табылган. Соңрак бигеле булганча, ир-ат нык авырган һәм урын өстендә генә яткан. Авыру сәбәпле, ул йөри алмаган.

Янгын мәйданы 20 квадрат метр тәшкил иткән. Беренчел фаразлар буенча, янгын тәмәке тартканда куркынычсызлык кагыйдәләре үтәлмәгәннән килеп чыккан булырга мөмкин. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10