ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Спорт

Россия кубогы өчен уенда "Рубин" футболчылары "Сибирь" командасын отты

1 март 2017, 17:03 , Фото: rubin-kazan.ru

Россия кубогы өчен уенда Бердәнбер тупны Бразилия уенчысы Жонатас кертте.

(Казан, 1 март, "Татар-информ", Фәрит Салихов). Казанның "Рубин" футболчылары бүген Үзәк стадионда Новосибирскиның "Сибирь" командасына каршы Россия кубогы ярышларының чирекфинал матчын уздырды. Уен Казан командасы файдасына төгәлләнде.

Бүген 60 яшьлек юбилеен билгеләп үтүче Татарстан Президенты Рөстәм Миңнеханов та тамаша кылган әлеге уенның соңгы минутында "Рубин" җиңү китергән туп кертә алды. Гол авторы - Бразилия һөҗүмчесе Кристиан Жонатас.

Шулай итеп, "Рубин" кубок ярышларының ярымфиналына узды. Казан командасы финалга чыгу өчен Екатеринбургның "Урал" командасы белән очрашачак.

Футбол. Россия кубогы 1/4 финал раунды. "Рубин" (Казан) – "Сибирь" (Новосибирск) – 1:0 (0:0).

Гол: Жонатас, 88.

"Рубин"ның составы: Рыжиков (к), Бауэр (Цакташ, 87), Бурлак, Самбрано, Нәбиуллин, Камболов, М'Вила, Ткачук (Гёкдениз, 61), Җамалетдинов (Әхмәтов. 90+), Канунников, Жонатас.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10