ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Хәвеф-хәтәр

Казанда янгында ир-ат үлү сәбәпле тикшерү бара

1 март 2017, 10:48

Казанда янгында ир-ат үлү сәбәпле тикшерү бара Тикшерү нәтиҗәләре буенча процессуаль карар кабул ителәчәк.

(Казан, 1 март, «Татар-информ»). Казанда янгында ир-ат үлү факты буенча беренчел тикшерү бара. Бу хакта «Татар-информ» агентлыгына Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

Искәртеп үтик, фаҗига кичә кич Дементьев урамындагы йортларның берсендә булган. Фатирда янгын сүндергәндә 61 яшьлек ир-ат мәете табылган. Соңрак ачыкланганча, янгында һәлак булган ир-ат спиртлы эчемлекләр белән мавыккан.

Башлангыч мәгълүматлар буенча, янгын сүндрелмәгән тәмәке төпчегеннән чыккан.

Хәзерге вакытта суд-медицина һәм янгын-техник экспертизасы билгеләнгән. Килеп чыккан хәлне ачыклау өчен башка чаралар да күрелә. Тикшерү нәтиҗәләре буенча процессуаль карар кабул ителәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10