ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Дин

Апас районындагы “Нәҗиб” мәчете бүләкләр таратты

1 март 2017, 08:00

Апас районындагы “Нәҗиб” мәчете бүләкләр таратты “Нәҗиб” мәчете исеменнән “Ләйсән”, “Гөлчәчәк” балалар бакчаларына, “Алтын алка” боз сараена келәмнәр бүләк ителде.

(Апас, 1 март, "Татар-информ", "Йолдыз",  Гүзәл Хилавиева). Апас районы Заготзерно бистәсендә 2009 нчы елдан бирле эшләп килүче “Нәҗиб” мәчетендә дини белем алучылар өчен барлык уңайлылыклар да булдырылды. Мәчет таләпләренә туры килерлек итеп яңа келәмнәр җәелде. Шулай ук турыдан-туры 32 дини каналлар карый торган антенна-приставка куелды, радио микрофон эшләп тора, дип яза районың "Йолдыз" газетасы.

 – Приставканы “Татавтодор”ның Апас бүлекчәсе оешмасы, ә радиомикрофонны МТК “Ак Барс” оешмасы бүләк итте. Аларга барлык дин кардәшләребез исеменнән олы рәхмәтебезне белдерәбез, - диде мәчетнең имам хатибы Гыйльфан хәзрәт Гыймадиев.

 “Нәҗиб” мәчете исеменнән “Ләйсән”, “Гөлчәчәк” балалар бакчаларына, “Алтын алка” боз сараена келәмнәр бүләк ителде. Бүләкләрне “Нәҗиб” мәчете имам- хатибы Гыйльфан хәзрәт Гыймадиев, район Башкарма комитеты җитәкчесе урынбасары Луиза Сафина тапшырдылар. Җитәкчеләр, тәрбиячеләр, балалар, әти-әниләр чын күңелдән рәхмәт әйттеләр, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10