ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Мәдәният

Әлмәттә «Татар егете-2017» җиңүчеләре ачыкланды

1 март 2017, 09:00

Әлмәттә «Татар егете-2017» җиңүчеләре ачыкланды Яңа Кәшер Мәдәният йортында «Татар егете-2017» район бәйгесе үтте.

(Әлмәт, 1 март, "Татар-информ", "Әлмәт таңнары"). Әлмәттә «Татар егете-2017» җиңүчеләре ачыкланды. Бәйге Яңа Кәшер Мәдәният йортында узды, дип яза районның "Әлмәт таңнары" газетасы.

Район торак пунктларыннан унбер егет әлеге исемне яулау өчен көч сынашты.

Жюри составында - “Ак калфак” иҗтимагый оешмасы җитәкчесе, “Альметьевский вестник” газетасы баш мөхәррире Ландыш Зарипова, атказанган мәдәният хезмәткәре Җәүдәт Икътисамов, шагыйрә Нәфисә Сабирҗанова, 1 нче гимназиянең музыка укытучысы Рамилә Хәйруллина.

Нәтиҗәдә абсолют җиңүче дип Түбән Абдулдан Алмаз Шәрифуллин танылды. Мәмәттән Габделфәт Ямалиев 1 нче дәрәҗә, Чупайдан Ралиф Галимов 2 нче дәрәҗә, Нәдердән Ильяс Гобәйдуллин 3 нче дәрәҗә дипломга лаек булдылар.

Калганнарга түбәндәге номинацияләр буенча исемнәр бирелде:

"Зиннәтле егет» - Тайсуганнан Данил Ризванов, “Кызлар күңелен яулаган егет” – Кәшердән Илсур Гәрәйшин, “Зирәк егет” – Кама-Исмәгыйльдән Илнар Газизов, “Баһадир егет” – Югары Мактамадан Эльфир Гайфуллин, “Баллы телле егет” – Әлмәттән Ильмир Сәхәбетдинов, “Тапкыр егет” – Кичүчаттан Илнур Насыйбуллин, “Милли җанлы егет” – Сөләйдән Ильяс Мәхмүтов, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10