ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Хәвеф-хәтәр

Казанда Дементьев урамындагы йортта фатир янган

28 февраль 2017, 21:42

Казанда Дементьев урамындагы йортта фатир янган Бина эчендә кешеләр калган булу ихтималы да бар.

(Казан, 28 февраль, «Татар-информ»). Казанда Дементьев урамы 3а номерлы йорттагы фатирда янгын чыккан. Бу хакта "Татар-информ" агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәте җиткерде.

Янгын турында хәбәр 112 коткару хезмәтенә 20:28 сәгатьтә килеп ирешә. Янгын йортның җиденче катындагы фатирда чыккан, подъезд көчле төтенгә күмелгән. Янгын чыккан бинада кешеләр калу ихтималы да бар, диелә. Янгын куркынычлыгы буенча 2 номер белән бәяләнгән.

Россия Гадәттән тыш хәлләр министрлыгының Татарстан буенча Баш идарәсе матбугат хезмәте җиткерүенчә, йорт ишегалдында машиналар күп булганлыктан, коткаручыларга автобаскыч кую мөмкинлеге дә булмаган. Шуңа да ЮХИДИ хезмәткәрләре һәм эвакуаторлар эшләгән.
 
Йорттан 20 кешенең эвакуацияләнүе хакында әйтелә.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10