ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Икътисад

Татарстан һәм Карачай-Чиркәс республикалары арасында хезмәттәшлек расланды

28 февраль 2017, 19:13 , Фото: prav.tatarstan.ru

Татарстан һәм Карачай-Чиркәс республикалары арасында хезмәттәшлек расланды Килешү сәүдә-икътисадый, фәнни-техник һәм мәдәни өлкәләрдә хезмәттәшлек итүне күздә тота.

(Казан, 28 февраль, "Татар-информ"). Бүген “Сочи – 2017” Россия Инвестицион Форумы кысаларында Татарстан Республикасы Президенты Рөстәм Миңнеханов катнашында Татарсан һәм Карачай-Чиркәс республикалары арасында хезмәттәшлек итү турында килешүгә кул куелды. Документка Татарстан Республикасы Президенты Рөстәм Миңнеханов һәм Карачай-Чиркәс Республикасы башлыгы Рашид Темрезов кул куйды, дип хәбәр итә Татарстан Президенты матбугат үзәге. Әлеге килешү сәүдә-икътисадый, фәнни-техник һәм мәдәни өлкәләрдә хезмәттәшлек итүне күздә тота.

Рөстәм Миңнеханов Килешүне әзерләү инциативасы белән чыккан өчен Рәшид Темрезовка рәхмәт белдерде.

Татарстан Президенты Карачай-Чиркәс Республикасын йөк автомобильләре,машина төзү һәм нефтехимия продукциясе, дару, медицина эшләнәмәләре белән тәэмин итү тәкъдиме белән чыкты. Аның фикеренчә, сәнәгать, авыл хуҗалыгы, югары технологияләр өлкәсендә хезмәттәшлек итәргә яхшы мөмкинлекләр бар.

"Мәдәният, фән, белем бирү, спорт һәм туризм өлкәсендә элемтәне үстерү бик мөһим", – диде Рөстәм Миңнеханов. Карачай-Чиркәс республикасының таулы районнары Россиядә популяр булган Архыз-Домба рекрацион туристлар зонасын барлыкка китерә. Безгә бергәләшеп үзара туристлар агымын үстерергә кирәк, дип ассызыклады ул.

Очрашу ахырында Рөстәм Миңнеханов Рашид Темрезовны Татарстан Республикасында кунак булырга һәм IX Халыкара икътисади “Россия – Ислам дөньясы: KazanSummit 2017” саммитында катнашырга  чакырды. Әлеге чара быел 18-20 май көннәрендә узачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10