ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Хәвеф-хәтәр

Калифорниядә торак йортлар өстенә Cessna очкычы килеп төшкән

28 февраль 2017, 08:46

Авиаһәлакәт нәтиҗәсендә 1 кеше һәлак булган һәм ким дигәндә 5 кеше җәрәхәтләнгән.

(Казан, 28 февраль, «Татар-информ»). Калифорния штатының Риверсайд исемле Америка шәһәрендә җиңел ике моторлы Cessna 310 очкычы торак йортлар өстенә килеп төшкән. Бу хакта “ТАСС” җиткерә.

Җирле идарә хәбәр итүенчә, нәтиҗәдә бер кеше һәлак булган һәм ким дигәндә 5 кеше яраланган.

Сан-Хосега юнәлгән очкыч, һавага күтәрелеп берничә минут үткәннән соң һәлакәткә дучар булган. Якынча мәгълүматларга караганда, аның бортында 4 кеше булган.

Авиаһәлакәттән соң янгын чыккан. Иң элек очкыч ауган ике йорт яна башлаган, аннан соң ул күрше йортларга таралган.

Вакыйганың килеп чыгу сәбәпләре тикшерелә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10