ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Җәмгыять

Алабугада «Игелекле маршрут» проекты тормышка ашырыла

28 февраль 2017, 07:44

Проект кысаларында мөмкинлекләре чикләнгән балаларга ярдәм күрсәтеләчәк.

(Казан, 28 февраль, “Татар-информ”, Гөлнара Салихова). “Игелек планетасы” исемле Алабуга иҗтимагый оешмасы “Игелекле маршрут” проектын тормышка ашыра. Аның максаты – авыру балаларга ярдәм күрсәтү.

Проект кысаларында предприятиеләр һәм шәһәр оешмаларында хәйрия концертлары һәм акцияләр үткәрелә. Мәсәлән, мөмкинлекләре чикләнгән балалар җылылык челтәрләре, Суворов училищесы, Алабуга районынынң Иске Күклек авылындагы коллективларда концертлар куйган. Шулай ук Алабугада яшәүчеләр “Игелек планетасы” балалары белән бергә сувернилар ясау буенча мастер-классларда катнаша алачак. Барлык җыелган акчалар инвалид-балаларга ярдәм күрсәтүгә юнәлтеләчәк. Ярты ел эчендә бу акцияләр 5 балага ярдәм күрсәтергә мөмкинлек биргән.

Үз чиратында балалар да игелек белән бүлешә. Шулай итеп, үткән елның сентябрь аенда “Игелекле маршрут” проекты кысаларында балалар Алабуга кешеләренә уңышлар теләгән. Ә иң кечкенә балаларга уенчыклар бүләк иткән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10