ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Хәвеф-хәтәр

Казанда яшүсмерне бәрдереп киткән машина йөртүчесен эзлиләр

27 февраль 2017, 15:00

Ир бала җәяүлеләр юлы аша чыга торган булган.

(Казан, 27 февраль, «Татар-информ»). Дәүләт автомобиль инспекциясе Казанда 16 яшьлек үсмерне бәрдереп киткән машина йөртүчесен эзли. Бу хакта Россия Эчке эшләр министрлыгының Казан буенча ЮХИДИ бүлеге матбугат хезмәте хәбәр итә.

Һәлакәт 26 февральдә 10 сәгатьтә Ибраһимов проспектындагы 17нче йорт янында булган. Автомобиль йөртүче 16 яшьлек үсмерне җәяүлеләр кичүендә бәрдергән. Юл-транспорт һәлакәтендә ир баланың сул як җилкәсе, сул як аягы бәрелгән. Машина йөртүче һәлакәт урыннан качкан.

Казанның Дәүләт автомобиль инспекциясе элеге һәлакәтне күрүчеләрнең (843) 5 – 333 – 848, (843) 5-333-851 телефоннары буенча элемтәгә чыгуларын үтенә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10