ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Мәдәният

Ренат Ибраһимов гөнаһсыз китап язган

25 февраль 2017, 16:28

Ренат Ибраһимов гөнаһсыз китап язган Россиянең һәм Татарстанның халык артисты: Кешегә файда бирсә, ул гөнаһсыз китап була.

(Казан, 25 февраль, “Татар-информ”, Рузилә Мөхәммәтова). Россиянең һәм Татарстанның халык артисты Ренат Ибраһимов үзенең 70 яшьлек юбилее алдыннан чыгарылган “Сайланмалар” китабын “гөнаһсыз китап” дип атады. Юбилейга бәйләп уйланылса да, ул традицион мемуарлар жанрында язылмаган. “Китап автобиография генә түгел, аны укыгач кеше төрле темалар буенча “ликбез” алсын дип тырыштым”, - диде автор үзе.

Ренат Ибраһимов китабының “гөнаһсызлыгын” “анда кешегә җиткерәсе фәлсәфи фикерләр булуы” белән дәлилләде. “Кешегә бернәрсә дә бирми, ә вакытын гына ала торган китапны” ул “кәгазь исраф итеп бастырылган гөнаһлы китап” дип атады. “Кешегә файда бирсә, ул гөнаһсыз китап була”, - диде.

Китапта юлына аркылы төшүчеләргә урын булмавын автор түбәндәгечә аңлатты: “Юлларыма аркылы төшүчеләргә рәхмәт әйтәм. Ул кешеләр - бик файдалы кешеләр. Аларның тормыш юлымда авырлык тудыруы яхшыга гына булды. Оҗмахка да юл авырлыклар аша ди бит, ә рәхәтлекләр юлы тәмугка илтә. Бу тормышта үзеңә генә үпкәләргә мөмкин", - диде ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10