ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Спорт

"Ак Барс" Гагарин кубогы өчен көрәшне җиңү белән башлады

22 февраль 2017, 22:17 , Фото: Ильнар Тухбатов

Казан хоккейчылары җиңү китергән алканы уен төгәлләнергә 0,02 секунд кала кертте

(Казан, 22 февраль, "Татар-информ", Фәрит Салихов). Казанның "Ак Барс" хоккейчылары Гагарин кубогының беренче матчында үз бозында "Салават Юлаев" командасын отты – 2:1.

Уен мавыктыргыч, кискен, әмма гол кертерлек мөмкинлекләргә аз булды. Исәпне беренче периодта күплектә уйнаудан файдаланып, "Ак Барс" хоккейчылары ачты. Җавап алкасы да озак көттермәде. Ә җиңү китергән алканы "Ак Барс" сакчысы Атте Охтамаа уен төгәлләнергә 0,02 секунд кала кертте. Кунаклар дәгъва белдереп караса да, видеокараудан соң хөкемдар голны санады – 2:1.

Көндәшләр 24 февральдә "Татнефть Арена" бозында икенче тапкыр очрашачак.

КХЛ. Гагарин кубогы. Көнчыгыш конференция 1/4 финал раунды. «Ак Барс» (Казан) – «Салават Юлаев» (Уфа) – 2:1 (1:1, 0:0, 1:0).
1:0 Секач (Азеведо, Токранов, 14:50, күплектә).
1:1 Капризов (Умарк, Воробьёв, 18:14, күплектә).
2:1 Охтамаа (Варнаков, Попов, 59:59).
Капкачылар: Гарипов – Сведберг.

Сериядә исәп: 1 - 0 (2:1).


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10