ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Спорт

Кукмара спортчылары Дөнья Чемпионатында катнашачак

21 февраль 2017, 08:34

Кызларны бәйгегә тренер Рузия Габдрахманова әзерләде.

(Кукмара, 21 февраль, "Татар-информ", "Хезмәт даны"). Кукмара сәламәтлек-белем бирү үзәгендә шөгыльләнүче кызлар тренер Рузия Габдрахманова җитәкчелегендә кул көрәше буенча Россия беренчелегендә катнашты һәм җиңү белән кайтты, дип яза kukmor-rt.ru сайты.

Кукмара беренче гимназиясе укучысы Эльмира Шәфигуллина уң кулы белән – беренче, сулы белән икенче урынны, ә гомуми зачетта беренчелекне алды. Зур Сәрдек гимназиясеннән Әминә Тимерова уң кулы белән – беренче, сулы белән дүртенчегә чыгып, гомум зачетта икенче урынны алды. Кукмара 3нче мәктәбеннән Наталья Ирбулдина сул кулы белән өченче урынны яулады. Кызларны чын күңелдән котлыйбыз, Польшада узачак Дөнья Чемпионатында уңышлар телибез, диелә район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10