ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Җәмгыять

"Победа" яз көне Төркиягә очышлар ясый башларга ниятли

20 февраль 2017, 09:57

Авиакомпания Төркиянең Аланья шәһәренә керү рөхсәте алган.

(Казан, 20 февраль, "Татар-информ"). “Победа” лоукостеры (“Аэрофлот” төркеменә керә) шушы язда Төркиягә рейсларны ачарга планлаштыра. Бу хакта “Аэрофлот” компаниясе генераль директоры Виталий Савельевка сылтама ясап, ТАСС хәбәр итә.

“Күптән түгел Аланьяга керү хокукын алдык. Рейсларны яз көне ясый башлачакбыз”, – дип сөйләгән Савельев.

Аннан алда Россия Федерациясе Транспорт министрлыгының “Победа”га Мәскәүдән Төркиянең Аланья шәһәренә рейслар ясый башлауга рөхсәт бирүе турында хәбәр ителгән иде. Бу юнәлеш буенча авиакомпания атнага 7 тапкыр очыш ясый алачак.

“Победа” – ул Россиянең беренче лоукостеры. Ул 37 юнәлеш буенча очышлар ясый, шуларның 11е – халыкара рейслар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10