ҺАВА ТОРЫШЫ -7 oC

Яңалыклар

барлык хәбәрләр Татарстан Россия

Спорт

"Сабантуй" үсмер көрәшчеләргә Стәрлетамакка юл ачты

20 февраль 2017, 08:32 , Фото: sabantuytatar.ru

"Сабантуй журналы призына татарча көрәш турниры 1986 елдан бирле уздырыла.

(Казан, 20 февраль, "Татар-информ", Фәрит Салихов). 18-19 февраль көннәрендә Биектау бистәсе “Биектау “ универсаль спорт комплексында 2001-2002 елгы үсмерләр арасында көрәш буенча “Сабантуй” журналы призына Татарстан беренчелеге узды.

"Яшь ленинчы" газетасы (хәзерге "Сабантуй" журналы) призына көрәш турниры 1986 елдан бирле уздырыла. Быелгы ярышлар 39 командадан 303 көрәшчене үзенә җыйган. Ике көн дәвамында үсмерләр 9 авырлык үлчәвендә көч сынашты. Ярышта җиңүчеләр 17-18 мартта Башкортстанның Стәрлетамак шәһәрендә үткәреләчәк Россия беренчелегендә катнаша. Ә анысында чемпион була алсаң, спорт остасына кандидат исеменә лаек буласың, дигән сүз.

Ярышның чемпионнары – Наил Вәлиев (Яңа Савин районы), Руфил Хәбибуллин (Балтач), Булат Габделбәров (Мамадыш), Ирек Зарипов  (Саба), Азат Хәмзин (Арча), Илназ Рамазанов (Тукай), Фарис Хуҗин  (Актаныш), Динар Әүхәдиев (Түбән Кама), Альберт Сәхәбиев (Зәй)

Биектауда җиңүче команда булып – Саба көрәшчеләре танылды. Икенче – Актаныш, өченче баскычта – Биектау командасы.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10