ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Фән һәм мәгариф

Ютазының “Сихри каләм” әгъзалары Муса Җәлил тормышын өйрәнгән

20 февраль 2017, 12:00

Ютазының “Сихри каләм” әгъзалары Муса Җәлил тормышын өйрәнгән Әлеге көн Муса Җәлилнең 15 февральдә билгеләп узыла торган туган көненә багышланган.

(Ютазы, 20 февраль, "Татар-информ", "Ютазы таңы"). Ютазы районы “Сихри каләм” берләшмәсенең икенче төркем тәрбияләнүчеләре - Бәйрәкә авылы мәктәбе укучылары авыл китапханәсенә җыелганнар, дип яза районның "Ютазы таңы" газетасы. 

Әлеге көн Муса Җәлилнең 15 февральдә билгеләп узыла торган туган көненә багышланган. Аның тууына быел – 111ел. “Муса Җәлил – каһарман шагыйрь” дип исемләнгән әдәби кичәнең максаты - укучыларны шагыйрьнең тормышы, иҗаты белән тулырак таныштыру, аларда ватанпәрварлык хисләре тәрбияләү, сөйләм телен баету. Кичә барышында түгәрәк җитәкчесе Гөлнар Садретдинова Муса Җәлилнең тормышы һәм иҗаты белән тулырак таныштырган. Укучылар шагыйрьнең шигырьләрен укып, фикер алышкан. Китапханәче Нәсимә Лотфуллина бик кызыклы һәм мавыктыргыч итеп каһарман шагыйрьгә багышланган китап күргәзмәсе белән таныштырган. Муса Җәлилнең “Моабит дәфтәрләре” циклы турындагы һәм шагыйребезнең оныкчыклары Лиза белән Михаил хакындагы сөйләшү укучыларда аеруча да зур кызыксыну уяткан, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10