ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Спорт

Бөгелмәлеләр “Россия чаңгы юллары” Бөтенроссия күмәк ярышларына кушылдылар

19 февраль 2017, 12:00

Бөгелмәлеләр “Россия чаңгы юллары” Бөтенроссия күмәк ярышларына кушылдылар
Чаңгы ярышларында, шулай ук, укучылар, урта һәм югары уку йортлары студентлары, предприятие һәм оешмаларның физик культура коллективлары катнашты.

(Бөгелмә, 19 февраль, "Татар-информ", "Бөгелмә авазы"). Бөгелмәлеләр “Россия чаңгы юллары” Бөтенроссия күмәк ярышларына кушылдылар, дип яза районның "Бөгелмә авазы" газетасы.

Бүген бөгелмәлеләр “Россия чаңгы юллары” Бөтенроссия күмәк чаралары кысаларында үтүче “Татарстан чаңгы юлы – 2017” ярышларында катнаштылар. Якынча мәгълүматлар буенча, Бөгелмәдә чаңгы стартына 3 меңнән артык кеше килгән. Күмәк чаңгы ярышлары “Чаңгы базасы” спорт-сәламәтләндерү комплексында үтте.

Иң элек чарада катнашучыларны Бөгелмә шәһәре мэры урынбасары Ирина Белова сәламләде. Җитәкче “Россия чаңгы юлы” XXXV ачык Бөтенроссия күмәк чаңгы ярышларында катнашучыларга, оештыручыларга, кунакларга сәламәтлек, яхшы кәеф һәм уңышлар теләде.

Алдагы еллардагы кебек үк, Бөгелмәдә “Россия чаңгы юллары” берничә стартта үтте: 18 яшькәчә малайлар һәм кызлар (1999 елгы һәм кечерәкләр), 18 – 49 яшьлек ир-атлар һәм хатын-кызлар (1998 – 1967 елгылар), 50 яшьлек һәм аннан да өлкәнрәк ир-атлар һәм хатын-кызлар (1966 елгы һәм өлкәнрәкләр). Чаңгы ярышларында, шулай ук, укучылар, урта һәм югары уку йортлары студентлары, предприятие һәм оешмаларның физик культура коллективлары катнашты.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10