ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Спорт

“Барс канатлары” коляскаларда баскетбол буенча Россия чемпионатында беренче җиңүен яулады

18 февраль 2017, 18:37 , Фото: Султан Исхаков

“Барс канатлары” коляскаларда баскетбол буенча Россия чемпионатында беренче җиңүен яулады Казанлылар Ижевск “Локомотив”ын 90:26 исәбе белән отты.

(Казан, 18 февраль, «Татар-информ», Айгөл Мотыйгуллина). “Барс канатлары” Казан командасы коляскаларда баскетбол буенча Россия чемпионатында беренче җиңүен яулады. Казанлылар Ижевск “Локомотив”ын 90:26 исәбе белән отты. Коляскаларда баскетбол буенча Россия чемпионаты кысасында бу уен Татарстанда беренче тапкыр үтте.

Открытие Чемпионата России по баскетболу на колясках

УНИКС базасында Яшел Үзән районының Васильево бистәсендә үткән турнирга дәүләтнең Мәскәү, Санкт-Петербург, Төмән, Ульяновск, Ижевск шәһәрләреннән килгән 120 спортчы җыелды. Татарстанны ике команда тәкъдим итә: Казаннан “Барс канатлары” һәм Чаллыдан “Яр Чаллы”.

Чаллы командасы мондый турнирда беренче тапкыр катнаша. Ә Казанлылар чемпионатның танылган лидерлары, дип белдерде Татарстан Республикасы инвалидлар җәмгыяте рәисе Рифат Ганибаев.

Открытие Чемпионата России по баскетболу на колясках

“Без беренче урынны өмет итәбез. Баскетбол коляскасы гади коляскадан аерыла. Ул җиңел һәм тәгәрмәчләр дә тайпылыш белән. Ул стартны җиңелрәк алырга мөмкинлек бирә. Мондый коляскалар 300 мең сумга якын тора. Күптән түгел Татарстан Президенты ярдәме белән без яңа инглиз коляскаларын алдык. Моңарчы без немец коляскаларында уйнадык. Алар да яхшы иде, ләкин болары җиңелрәк”, - дип сөйләде “Татар-информ”га “”Барс канатлары” капитаны Динар Камалиев.

Коляскаларда баскетбол буенча Россия чемпионатында ике кыз да катнаша. Шуларның берсе Мәскәү, ә икенчесе “Яр Чаллы” командасыннан.

Открытие Чемпионата России по баскетболу на колясках

Турнир 18-21 февраль көннәрендә үтә. Санкт-Петербург командасы «БасКИ»ның “Барс канатлары”на каршы очрашуы финал матчы булачак. Шуннан соң нәтиҗәләр ясалачак һәм җиңүче командалар билгеләнәчәк.

Открытие Чемпионата России по баскетболу на колясках
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10