ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
"Татар кызы-2018" республика сайлап алу турының җиңүчесе билгеле
Рөстәм Миңнеханов һәм Джанни Инфантино Казанда Испания - Иран матчын карый
Иртәгә Казанда яңгыр һәм көчле җил көтелә
2018 елгы Дөнья чемпионаты көннәрендә шәһәр яны поездларының маршруты үзгәрә
20 июньнең төп вакыйгалары - фото һәм сылтамалар

Спорт

Питрәчтә биатлон буенча район беренчелеге булып узды

17 февраль 2017, 06:00

Питрәчтә биатлон буенча район беренчелеге булып узды Гомум команда исәбендә беренче урында – ленинококушкинолылар, икенчедә – шәлелеләр, өченчедә – беренче мәктәп.

(Питрәч, 17 февраль, "Татар-информ", "Алга", Илшат Гайсаров). Питрәчтә кызлар һәм егетләр арасындагы биатлон буенча чираттагы район беренчелеге стадионда, наратлыкта узды, дип яза районның "Алга" газетасы.

Җиде командадан булган катнашучылар Питрәч ДОСААФ МО тарафыннан оештырылган Советлар Союзы Герое Василий Осипов исемендәге призны уйнатты.

Кызлар 3 километрлы дистанциядә (егетләр – 4,5 километрлыда) ике утлы чик белән ярыштылар.

Кызлар арасында җиңүчеләр һәм призерлар булып Алевтина Блаченова (Ленино-Кокушкино), Лия Хәсәнова (беренче мәктәп), Гөлшат Кашапова (Шәле) саналды.

Егетләр арасында – Нияз Сибагатов (Шәле), Рифат Гайнуллин, Альберт Мөхәметдинов (икесе дә Ленино-Кокушкинодан) җиңде.

Гомум команда исәбендә беренче урында – ленинококушкинолылар, икенчедә – шәлелеләр, өченчедә – беренче мәктәп. Алга таба урыннар алдагы тәртиптә бүленде: 4. Күн, 5. ФКАТ, 6. Татар Тау Иле, 7. Питрәч икенче мәктәбе, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10